portada.png

OARSOALDEA 2020

URTEKO MEMORIA

 
inic.png

2020a eskualdean

2020ko ekitaldia aurrekaririk gabeko erronka izan da. Koronabirusaren pandemia ustekabeko gertaera izan da, eta gizarte osoari eragin dio. Ondorio sanitario eta sozialetatik haratago, ondorio ekonomikoak garrantzitsuak izan dira eta izaten jarraitzen dute. Geldialdia eta ziurgabetasuna dira 2020. urtea laburtzen duten adjektiboak.

Sektore guztiak gogor astindu ditu hasieran, baina krisia gordinagoa izan da mugikortasuna murrizten duten neurrien ondorioz zigortzen ari direnekin.

Krisia hasi zenetik hona, pertsonen eta enpresen egoeraren jarraipena egin dugu, haien beharrak ikusi eta horiei aurre egiten laguntzeko. Horrekin guztiarekin batera, aurtengo kudeaketa-planean planifikatutako jarduerak eta proiektuak zabaldu eta murrizketa-testuinguru batera egokitu nahi izan dira. Taldea jarduera osoari eusteko gai izan da.

2020ko memoriak konpromiso handia eskatu du Oarsoaldea osatzen dugun pertsona guztiengandik, kontuan izanik zer une historikori aurre egin behar genion eta pertsonak eta enpresak bizi ginen egoeraren larritasuna. Hasieran uste baino zailagoa eta motelagoa izaten ari da indarberritzea. Enplegua mantentzea eta egoera horri aurre egitea izan dira eta dira kezkarik garrantzitsuenak.

Hala ere, ez da ahaztu behar ziurgabetasunak eta krisi-etapak ere ideiak biltzeko eta berrikuntzarako uneak direla, erronkek aurrera bultzatzen gaituzte. Covid19aren krisiak aukerak aprobetxatzeko palankak ditu. Testuinguru berri honetan sortzen ari diren egoerei erantzuteko estrategiak eta tresnak sortzen jarraitzen dugu, eta, GJHekin lerrokatutako ekintzen bidez, mundu hobea eraikitzen laguntzeko.

 

OARSOALDEA

ESKUALDEA

Osatzen duten udalerriak

Errenteria, Lezo, Oiartzun eta Pasaia.

Hedadura: 111,4 Km2.

Gure bailara Gipuzkoaren ipar ekialdean dago, Donostia eta Irun arteko erdibidean. Lau udalerrik osatzen dute Oarsoaldea: Errenteria, Lezo, Oiartzun eta Pasaia. Aiako Harria Parke Naturaletik itsasoraino heltzen da Aiako Harria. Lurraldeko mendi zaharrenetik, Pasaiako badiaraino, penintsulako Portu natural garrantzitsuenetako bat.

Oarsoaldea leku estrategiko bat da bere orografia eta kokapenagatik. Portuko jarduerak industria garapena ekarri zuen, baina gaur egun eskualdeko biztanle gehientsunek zerbitzuen arloan egiten dute lan (biztanleria aktiboaren %60). N-1 eta A-8 errepideek eskualdea zeharkatzen dute, tren eta hegazkin konexioak ahaztu gabe. Horrek etorkizuneko garapenari ateak zabaltzen dizkio.

AGENTZIA

Oarsoaldea Errenteria, Lezo, Oiartzun eta Pasaiako udalerriek osatutako eskualdearen garapen agentzia da. 1993. urtean sortu zen eskualdearen garapen iraunkorra sustatzeko.
Gaur egun tokiko erreferentzia da langabetuei, ekintzaileei, enpresei, herritarrei eta bisitariei zerbitzuak eskaintzeko orduan. 
Oarsoaldeak beste erakunde eta entitate publiko eta pribatu batzuekin lankidetzan dihardu, ekonomia eta gizarte garapenarekin zerikusia dutenak. 2018. urtean garapen agentzia lau udalen berezko baliabide gisa izendatua izan zen eta egoera berri honek indarra eman eta lanean jarraitzera animatzen gaitu, eragile dinamizatzaile eta bultzatzaile gisa, udalerrien zati eta tresna gisa, gure eskualdeak behar duen ongizatea eta oparotasuna lortzeko beharrezkoak diren aldaketak bultzatuz.

Oarsoaldean eskualde bizi, borrokalari, ilusioz beteriko, sortzaile, langile, desberdin, plural eta berritzaile baten alde lan egiten dugu.

GURE MOTIBAZIOA

Gure eskualdean enplegu egonkorra eta kalitatezkoa sortzen laguntzea. Pertsonen enplegagarritasuna hobetzen laguntzea, batez ere ahulenena.

Eskualdearen bikaintasunari laguntzea, berrikuntzan, industria aurreratuan, talentuan eta ekintzailetzan lan eginez.

Oarsoaldea eskualdea lehentasunezko eta kalitatezko helmuga turistiko bihurtzea, enpresa-sare turistikoaren hazkunde iraunkorra sustatuz eta gure garapen turistikoa gure nortasunean eta tradizioan oinarrituz.

Herritarren bizi-kalitatea hobetzen eta bisitarientzako irudia edertzen laguntzea. Kontzientzia kolektiboa duen mugikortasuna sustatzea.

GURE ESKER ONA

Eskerrak eman nahi dizkiegu ilusioz, arduraz eta ahaleginez gure eskualdearen etorkizunari laguntzen dioten zerbitzuak ematen eta proiektuak garatzen dituzten guztiei.
Agentzia osatzen duten pertsona talde osoari, aurten giza kalitatea, maitasuna eta inplikazioa erakutsi baitizkiete ongi funtzionatzea posible egiten duten enpresa, erakunde eta eragile guztiei.

ETA, BEREZIKI, GURE ESKUALDEAN BIZI DIREN ETA LAN EGITEN DUTEN PERTSONA GUZTIEI, ARE GEHIAGO GARAI ZAIL HAUETAN, GURE JARDUERAREN ARRAZOIA ETA HELBURUA BAITIRA.

MILA MILA ESKER!